Дар Англия тибқи “Қонун дар бораи ҳуқуқи муаллифӣ, соли 1911” Китобхонаи марказӣ нусхаи ҳатмии ҳама маводи нашриро, ки дар ҳудуди кишвар нашр паҳн мешавад, бояд қабул кунад ва нигоҳ дорад.

Дар Норвегия хонанда имкон дорад, ки китоби барои мутолиа гирифтаашро ба китобхонаи дилхоҳ баргардонад.

Дар яке аз китобхонаҳои шаҳри Вантааи Финландия китоберо, ки сад сол пеш барои истифода гирифта буданд, бе ягон қайду расм баргардониданд. Чи тавре китобдор таъкид кардаст, дар варақаи дарунии китоб санаи ба истифодадиҳии он оғози садаи ХХ қайд шудааст.

Нашриёти Eterna Cadencia дар Аргентина усули нави нашри китобро роҳандозӣ кард. Китобро дар формати  «El libro que no puede esperar» (Китобе, ки мунтазир буда наметавонад) ба чоп омода карданд. Ин китоб бо сиёҳие чоп шудааст, ки ранги он, баъди бори нахуст кушодани хонанда, дар муҳлати ду моҳ аз рӯйи варақ бо таъсири рӯшноӣ тоза мешавад. Аз ин рӯ, китоб то ба дасти хонанда расидан дар бастаи махсуси пластикӣ ҳифз карда мешавад. Аҳамияти ин китоб дар он аст, ки баробари кушодан ба хондани он бояд шурӯъ кард, вагарна он то дер мунтазири хонанда истода наметавонад.