Аз дари адолат бояд дар омад, ки тоҷикон то имрӯз аз пойдортарин миллат ба шумор мераванд, ба нудрат миллате чун тоҷикон бад‑ин шумораву шиддат заработеро рӯбарӯ шудаанд. Аммо каме фурсат кофӣ буд, ки ин миллат дубора ҷон бигирад. Н.Г. Павлов. Манбаъ: Амиршоҳӣ, Нурмуҳаммад. Давлатдории тоҷикон дар асрҳои ХI−ХIV.−Душанбе: Амри илм, 1999. –С.85‑86

ФЕҲРАСТ ВА КИТОБҲО

Дар шоҳроҳи Истиқлол

Дар шоҳроҳи Истиқлол
Маҷмӯаи мақолаҳо ва суҳбатҳои таърихшинос, профессори ДДХ ба номи академик Бобоҷон Ғафуров, муовини аввали Раиси Шӯрои вилоятии Ҳаракати ваҳдат ва эҳёи Тоҷикистон, шодравон Абдуҷалил Бобокалонов аст, ки ба мавзӯи Ваҳдати миллӣ ихтисос дода шудаанд. Китоб бо маблағгузории собиқ Раиси вилояти Суғд муҳтарам Абдураҳмон Қодирӣ дар нашриёти “Ношир”-и шаҳри Хуҷанд дар ҳаҷми 64 саҳифа соли 2017 чоп шудааст. Муаллиф номи китобро аз сухани зерини Пешвои миллат, Ҷаноби Олӣ Эмомалӣ Раҳмон гирифтааст: “Истиқлолият ва ваҳдати миллӣ – ду боли як иқбол ва ду рукни меҳварии фарҳанги давлатдорию давлатсозии мо мебошанд, ки ҳамдигарро нерӯи тоза ва тақвият мебахшанд”.

Китоб моҳи январи соли ҷорӣ ба Китобхонаи вилоятӣ ҳамчун ҳадя ворид шуда, дар ҳамаи шуъбаҳои хизматрасонӣ ҳифз ва ба истифода дода мешавад.

Маъмурияти Китобхонаи вилоятӣ ба дастандаркорони чоп ва дастраскунандагони китоб аз номи китобдорон ва истифодабарандагон миннатдорӣ баён мекунад.