Ҷаҳони маънавии тоҷикон ҳамонанди ҳамаи ориёиён боз аст, ҳар кӣ метавонад ба осонӣ дарун ояд, вале ҳаргиз наметавонад аз он берун шавад. Раҳим Мусулмониёни Қубодиёнӣ. Манбаъ: Қубодиёнӣ, Раҳим Мусулмониён. Тоҷикон, 2500 сол... . – Душанбе: Адиб, 2005. – 98 с. – С. 41

Китобҳои нав

ФЕҲРАСТ ВА КИТОБҲО

Фарҳанги вожаҳо ва ифодаҳои мардумӣ дар осори Мавлавӣ“Фарҳанги вожаҳо ва ифодаҳои мардумӣ дар осори Мавлавӣ”  ҳосили ранҷу  заҳмати чандинсолаи шоиру нависанда, тарҷумони барҷастаи тоҷик Ҳаёт Неъмати Самарқандӣ  мебошад. Фарҳанг иборат аз дебоча, чор фасл (калимаҳо, таъбирҳо, таркибот, масалу мақолот) аст. Муаллиф дар ин фарҳанг бо истифода аз 2 138 байт аз осори Мавлоно Ҷалолуддин Балхии Румӣ  739 вожа, 233 таъбир, 182 таркиб,  78 мақолу масалро шарҳу тафсир додааст.

Фарҳанг бо дастгирии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2017 дар ҳаҷми 400 саҳифа бо теъдоди 100 нусха нашр шудааст.