Аз байни тоҷикон қишри олии равшанфикрони кишвар (Осиёи Миёна, оғози асри ХХ) – рӯҳониён, муаллимони мадрасаҳои халқӣ, додрасҳо, қонунгузорон ба вуҷуд омадаанд. А.П.Шишов. Манбаъ: Масов Раҳим. Таърихи тоҷикон бо муҳри “комилан сиррӣ”.−Душанбе: Дониш, 1996. –С.141

Китобҳои нав

Бузургон ва қаҳрамонони миллат

Дар ин китоб доир ба рӯзгор ва пайкори нобиғаҳои миллати тоҷик–ҳакимону донишварон, сарварони мазҳабу дин, олимони забардасти риштаҳои гуногуни илм, шоирон ва ҳунарварони забардаст, қаҳрамонони миллӣ, ки дар тӯли ҳазорсолаҳо барои бақои халқи тоҷик ҷонбозиҳо кардаанд, маълумот фароҳам оварда шудааст. Мақсаду мароми мураттибону масъулон аз он иборат аст, ки хонандаи китоб – мактабхону омӯзгор, донишҷӯю устод, коргару деққон, афсару сарбоз дар бораи ин бузургони миллат маълумоти кофӣ дошта бошанд.

Китоби «Бузургон ва қаҳрамонони миллати тоҷик», ки фарогири мухтасари ҳолнома ва бозтоби чеҳраҳо – аз Зардушти некойин то Восеи диловар мебошад, барои ҳаводорону хонандагон армуғони хуб аст.

Ин китоб бо ташаббуси Иттифоқи нависандагони Тоҷикистон ва дастгирии раиси вилояти Суғд муҳтарам Абдураҳмон Қодирӣ бо теъдоди зиёд соли 2016 тавассути нашриёти “Меъроҷ”-и шаҳри Хуҷанд мунташир шуда, дастраси оммаи васеи хонандагон гардидааст. Китобро номзади илмҳои филологӣ, дотсент Баҳром Мирсаидов ва шоиру муҳаққиқ Шодиқул Шарифов таҳия кардаанд.