Замоне буд, ки тоҷикон дар рушди рӯзгору фарҳанги халқҳои бошқирду тотор саҳми азим доштанд. Ҳасанбой Шарифов. Манбаъ: Шарифов, Ҳасанбой. Тоҷикони бурунмарзӣ: таърихи пошхӯрӣ ва аҳволи ҳозира.Чопи дуюм.−Хуҷанд: Раҳим Ҷалил, 1999. –С.175

АЗ ТАРҒИБИ ОЗМУНИ КИТОБХОНӢ ДАР МАҲАЛЛАҲО/16.05.2019

Нимаи аввали рӯз гурӯҳи тарғиботӣ бо сарварии китобдори соҳибтаҷриба Раҷабова Мавзуна ҷиҳати тарғиби озмуни “Фурӯғи субҳи доноӣ” ба маҳаллаҳои  шаҳри Хуҷанд баромаданд.  Онҳо бо масъулини кумитаи маҳаллаҳои “Ҷаббор Расулов” – Каримов Бурҳон, “Сари баландӣ” – Ҷӯраев Сангинбой, “Содирхон Ҳофиз” – Ӯрунова Замирахон, “Хуҷанд” – Исмоилов Ҳотамҷон суҳбат ороста, муҳтавои Амри Президенти кишварро дар бораи озмун, шартҳову ҷоизаҳои он фаҳмониданд. Аз рафти суҳбатҳо равшан шуд, ки дар баъзе маҳаллаҳо дар бораи Амри мазкур маълумоти дақиқ дар даст надоранд. Аз ин рӯ, китобдорон, ки бо худ нусхаи Амри Президенти кишвар ва қарори вилояти Суғдро дар ин бора доштанд, ба масъулин нишон дода, бо мундариҷаи он ошно гардониданд. Масъулини кумитаҳо низ тасмим гирифтанд, ки ҳар чи бештар дар ин самт корҳои таблиғу ташвиқро беҳтар намоянд.

Маъмурияти Китобхонаи вилоятӣ