Меҳри Ватан ва табиати он дар дили тоҷикон решаи амиқ дорад ва ҳаргиз ба осони ватани маълуфашонро фаромӯш намекунанд. Навбаҳор Абдуғиёс. Тоҷикон дар қаламрави Ориёно (гирдоварӣ, пажӯҳиш ва таҳияи М.Шукурзода). −Душанбе: Деваштич, 2009. – 478 с.–С.362

ОЗМУНИ КИТОБДОРОНИ КИТОБХОНАҲОИ ШАҲРИ ХУҶАНД

ОЗМУНИ КИТОБДОРОНИ КИТОБХОНАҲОИ ШАҲРИ ХУҶАНДҲамасола байни китобдорони китобхонаҳои шаҳру ноҳияҳои вилояти Суғд озмун дар ду давр – шаҳриву ноҳиявӣ ва вилоятӣ доир мегардад. Даври ноҳиявӣ ва шаҳрии он дар китобхонаҳои вилоят аз рӯйи нақшаи пешбинишудаи Китобхонаҳои системаи марказонидашуда барпо гашт.    

Даври шаҳрии озмуни вилоятии “Китобдори сол-2018” дар шаҳри Хуҷанд барпо шуд, ки дар он 32 нафар китобдор ширкат варзиданд. Аз миёни иштирокчиён ду китобдор – Қаюмова Манзура (аз шуъбаи маълумотдиҳӣ-библиографӣ) ва Нурматова Умеда (аз шуъбаи илмӣ-методӣ) бо дарёфти 75 холи баробар соҳиби ҷойи якум гардида, ба даври вилоятӣ роҳ ёфтанд.

Китобдор Мӯсоева Мунзифа (аз шуъбаи маълумотдиҳӣ-библиографӣ) соҳиби 73 хол гардида, ҷойи дуюмро ишғол кард. Сардори шуъба Ғаффорова Раъно (аз шуъбаи пурракунӣ ва коркарди китоб) бо дарёфти 71 хол ба ишғоли ҷойи дуюм сазовор дониста шуд.

Тоҷибоева Муқаддас (аз китобхона-филиали №9) бо дарёфти 67 хол, Дадобоева Масъуда (аз шуъбаи компютерӣ-иттиллотӣ) бо дарёфти 62 хол ва Қаюмова Махфират (аз шуъбаи электронӣ) бо дарёфти 59 хол ҳамчун иштирокчии фаъоли озмун эътироф гардиданд.

Ғолибони озмун ва иштирокчиёни фаъол бо туҳфаҳои ҳавасмандгардонӣ қадрдонӣ хоҳанд шуд.

Маъмурияти Китобхонаи вилоятӣ