Он чи бо тоҷикон рух дод, як андоза ба африқоии пас аз истиқлол монанд аст. Ба тоҷикҳо як гӯшаи сангистони заминро ба мардуми бечора ва ҷафокашидааш тақдим карда, фармуданд, ки барои худ миллат бисозанд. Уилям Бимен. Манбаъ: Қубодиёнӣ, Раҳим Мусулмониён. Тоҷикон, 2500 сол... ... .−Душанбе: Адиб, 2005. –98с. –С.68

22.09.2017 КИТОБДОРОНУ ОМӮЗГОРОН РӮЗИ РӮДАКИРО ЯКҶОЯ БАРГУЗОР КАРДАНД

Китобдорони китобхона-филиалҳои № 1, 3, 4 ва шуъбаи адабиёти бачагонаи Китобхонаи вилоятӣ санаи 22-уми сентябр дар МТМУ №12 ва №22 бо ҳамроҳи хонандагон ва муаллимон Рӯзи Рӯдакиро бо ташкили намоиши китобӣ, гузоришҳои ҷолиб доир карданд.

Дар чорабиниҳо муаллимаҳо Бобокалонова Дилором, Бегматова Рафоат (МТМУ №12) ва Очилова Меҳринисо (МТМУ №22),  хонандагон Мамадҷонова Азиза, Бобоева Мадина, Дадобоева Ситора (МТМУ №12) Юсупова Зебо, Қосимова Туҳфа, Раҳимов Парвиз, Саидов Анвар, Оқилов Шероз ва дигарон суханронӣ, шеърхонӣ ва нақш  иҷро карданд.

Сардори шуъбаи адабиёти наврасони Китобхонаи вилоятӣ Собирова Дилрабо ва масъулони китобхона-филиалҳои мазкур дар чорабинӣ ширкат намуда, саҳми худро дар пуртаъсиру самаранок ва рангоранг баргузор кардани Рӯзи Рӯдакӣ гузоштанд.

Маъмурияти Китобхонаи вилоятӣ