Китоби дарсӣ дар нашриёти «ЭР-граф»-и шаҳри Душанбе соли 2017 дар ҳаҷми 424 саҳифа, бо теъдоди 500 нусха нашр гардидааст. Ин китоб дар мувофиқат бо таркиби ҳатмии Стандарти давлатии маълумоти олии касбии маориф ва илми Ҷумҳурии Тоҷикистон оид ба фанни «Маркетинг» барои як катор равияҳо ва ихтисосҳо аз тарафи доктори илмҳои иқтисодӣ, профессор кафедраи менеҷменти Донишкадаи молия ва иқтисоди Тоҷикистон Бозоров Шавкат омода гардидааст. Китоби дарси бо Қарори Мушовараи Вазорати маориф ва илми Ҷумҳурии Тоҷикистон № 31/16 аз 30 декабри соли 2015 ба нашр тавсия шудааст. Дар китоби дарсӣ масъалаҳои назариявӣ ва самтҳои амалии маркетинг маҷмуан баррасӣ ва бо мисолҳои стратегияи маркетингии корпоратсияҳои машҳур ва кейсҳо тасвир шудаанд. Дар китоб ба таҷриба ва дурнамои маркетинг дар Тоҷикистон диққати махсус дода шудааст.
Китоби дарсӣ барои донишҷӯён ва магистрантони ихтисосҳои иктисодӣ, аспирантҳо, шунавандагони мактабҳои бизнес ва менеҷмент, ҳамчунин маркетолог ва топ-менеҷерони корхонаҳои ватанӣ пешбинӣ гардидааст.
Китоби “Ҳаракати тарҷума дар адабиёти форсу тоҷик (асрҳои VII-Х)” ба таҳқиқу баррасии ду марҳалаи муҳими ривоҷи ҳаракати тарҷума – тарҷумаи осори паҳлавӣ ба арабӣ дар садаҳои VIII-IX ва тарҷумаи осори арабӣ ба форсии дарӣ дар асри X бахшида шудаст. Ду марҳалаи мазкур дар эҳёи Аҷам ва рушди тамаддуни исломии халқҳои форсу тоҷик нақши муҳим ва созанда доштааст. Муаллиф – адабиётшинос Ҳамробоев Насимҷон дар асар талош бар он намудааст, ки дар заминаи муайянсозии густариши мактаби тарҷума ва мақоми маъруфтарин мутарҷимон, таҷзияву танаввуи осори тарҷумашудаманзараи ҷомеи ташаккул ва таҳаввули харакати тарҷумаро аз оғоз то асри X ҳатталимкон барои алоқамандони адабиёти Арабу Аҷам равшану барҷаста мунъакис созад.
Асари мазкур соли 2016 тавассути нашриёти Меъроҷи шаҳри Хуҷанд дар ҳаҷми 304 саҳифа, бо теъдоди 350 нусха чоп шуда, барои муҳаққиқон, донишҷуён ва алоқамандони соҳаи адабиётшиносӣ тавсия мегардад.
“Мактаби актёрии тоҷик”-и олими театршинос, мунаққиди соҳаи санъат равоншод Низом Нурҷонов (1923-2017) соли 2011 бо кӯмаки молии Дафтари Ҳамкории Швейтсария дар Тоҷикистон дар ҳаҷми 496 саҳифа бо теъдоди 500 нусха мунташир шудааст.
Мардуми тоҷик аз қадим н исбат ба ҳунари актёрӣ –бозигарӣ рағбати хоса зоҳир намуда меояд. Ин санъат дар шаклҳои гуногуни театр и суннатии бостонӣ тавлид ёфта, қувват гирифт ва анъанаҳои зиёдеро ба майдон овард. Баъд и аз худ намудани услуби ҳунари бозигарӣ дар театри аврупоиасос ин анъанаҳо дучанд ғанитар, дурахшонтар ифода ёфта, мактаби актёрии тоҷикро ташаккул доданд Равияҳои гуногуни ин мактаб тавлид ёфтанд, дар ҳар равия актёрҳои бузург пайдо шуданд. Устодон н а танҳ о санъати театрӣ , балки синаморо пеш бурданд, обрӯю эътибори фарҳ анги миллиро боло бардоштанд.
Китоби мазкур дар хусуси чӣ тавр ба вуҷуд омадан ва рушду нумуъ кардани мак таби актёрии тоҷик ҳикоят мекунад.
“Таърихи Дарвоз” аввалин кўшиши ҷиддӣ барои равшан кардани таърихи яке аз мулкҳои бостонии кӯҳистони тоҷик – Дарвоз мебошад, ки таърихшинос, доктори илмҳои таърих, профессор Пирумшоев Ҳайдаршо таълиф кардааст. Дар китоб ҳаводиси сиёсӣ, раванди ҳаёти иқтисодиву иҷтимоӣ ва фарҳангии ин шоҳигарии мустақил дар асрҳои миёна (ҳудуди кунунии ноҳияҳои Тавилдара, Дарвоз, Ванҷи Ҷумҳурии Тоҷикистон ва вулусволии Дарвози Ҷумҳурии Исломии Афғонистонро дар бар мегирифт), давраи чун бекигарӣ дар ҳайати аморати Бухоро қарор доштанаш, рушди бисёрсамтаи он дар замони шӯравӣ ва уфуқҳои нави созандагии ин диёр дар даврони Истиқлолияти комили Ҷумҳурии Тоҷикистон ба доираи таҷдиди воқеъбинонаи илмӣ кашида шудааст.
Китоб соли 2008 дар ҳаҷми 704 саҳифа бо теъдоди 5000 нусха тавассути нашриёти “Ирфон”-и шаҳри Душанбе нашр гардида, соли ҷорӣ ба хазинаи Китобхонаи вилоятӣ аз тарафи меҳмонони Бадахшон ҳамчун ҳадя ворид гардид.омода шудааст.